Tú bleiv limur í Ognarfelag Tryggingartakaranna, tá tú gjørdist tryggingartakari í Betri Trygging.

Tú fært limakrónur, tí tú hevur havt virkna trygging hjá Betri Trygging í einum ári og hevur virkna trygging á degnum fyri ársaðalfundin árið eftir.

Limakrónurnar verða ásettar við atliti at fíggjarstøðuni hjá Ognarfelag Tryggingartakaranna. Tínar limakrónur verða ásettar í mun til tryggingargjaldið, tú hevur goldið til Betri Trygging farna árið. Miðað verður eftir at rinda út 8-10 % av tryggingargjøldunum.

Miðað verður ímóti at lata limakrónur hvørt ár.  

Tað er Umboðsráðið, sum á aðalfundinum endaliga ásetur, hvussu nógv verður býtt út til limirnar. Avgerðin er tengd at fíggjarstøðuni hjá felagnum.

Tað er Ognarfelag Tryggingartakaranna og ikki Betri Trygging sum býtur út av yvirskotinum. Yvirskotið stavar frá virkseminum hjá Betri Banka, Betri Trygging, Betri Pensjón umframt øðrum feløgum, sum Ognarfelag Tryggingartakaranna eigur. Limakrónurnar eru at samanbera við vinningsbýtið frá privatum partafeløgum.

Tað er Ognarfelag Tryggingartakaranna, sum letur limakrónur. Ársaðalfundurin í Ognarfelag Tryggingartakaranna ásetur, hvussu nógv verður latið í limakrónum.

Betri Trygging hevur ikki ávirkan á hesa áseting og Ognarfelag Tryggingartakaranna hevur heldur onga ávirkan á, hvussu Betri Trygging t.d. prísásetur sína tryggingar.

Limakrónur kunnu tí ikki mótroknast í næsta uppkravi ella gevast sum avsláttur í tryggingargjaldinum.

Orsøkin kann vera, at:

• Tú ert nýggjur kundi í Betri Trygging  og tí ikki lýkur treytirnar fyri at fáa limakrónur fyri árið fyri.
• Tú hevur teknað trygging saman við øðrum, men tað er ikki tú, sum stendur sum tryggingartakari á tryggingarskjalinum.
• Tínar limakrónur eru undir lágmarkið fyri útgjald.
• Títt p-/v-tal og kontonummar er ikki skrásett í kundaskipanini hjá Betri Trygging.

Um tað síðsta er tilfelli, verður tú biðin um at seta teg í samband við Betri Trygging á tlf: 348 600. Privatkundar við Samleika hava møguleika fyri sjálvir at skráseta neyðugu upplýsingarnar á heimasíðuni. Sí vegleiðing her.

Ja, limakrónur kunnu ávirka almennar veitingar. Tað er ymiskt, hvussu hetta ávirkar tann einstaka. Set teg í samband við stovnarnar, sum tú fært veitingar frá, fyri at kunna teg nærri. Ynskir tú ikki at fáa limakrónur útgoldnar av hesum orsøkum, so boðað okkum frá á telf: 348 600.

Um tú ert privatkundi nýtist tær ikki at skráseta limakrónurnar í sjálvuppgávuni. TAKS fær boð frá okkum um títt útgjald og skrásetur upphæddina sum fyribils inngjald, soleiðis at skattur kann verða trektur sjálvvirkandi.

Um tú ert vinnukundi er inntøkan at rokna sum einhvør onnur skattskyldug inntøka og má fyritøkan sjálv inntøkuføra hetta í rakstrinum.

• TAKS roknar útgjaldið við í skattligu inntøkuna hjá borgaranum og tillagar/krevur síðan skattin eftirfylgjandi.
• Arbeiðsmarknaðargjald (AMEG) verður roknað av limakrónunum, á sama hátt sum av einhvørjari aðrari inntøku.
• ALS-gjald og Barsilsgjald verða IKKI rindað av limakrónunum.
• Borgarar rinda vanliga 175 kr. + 0,7% av skattskyldugi inntøkuni til Heilsutrygd. Um borgarin hevur aðra inntøku, verða 0,7% at rinda av limakrónunum til Heilsutrygd.
• Ásett er við lóg, hvat borgarar  í minsta lagi skulu rinda samanlagt av A- og B-inntøkuni til eftirlønargjald.

Fyri virkir er galdandi, at tey sum móttaka limakrónur, skulu inntøkuføra hetta í rakstrinum, sum einhvørja aðra vanliga inntøku. Talan er um vanliga skattskylduga inntøku hjá virkinum.

Fyri at fáa limakrónur skalt tú hava verið limur í undanfarna ári. Orsøkin er, at limakrónur verða ásettar eftir tryggingargjaldinum, sum tú hevur goldið farna árið. Ert tú t.d. nýggjur kundi og hevur teknað eina nýggja trygging frá 1. juli í farna ári og restina av árinum, so rokna vit tínar limakrónur fyri farna ár út frá prísinum á tínum tryggingum í seks mánaðir.

Fyri at fáa limakrónur, skalt tú somuleiðis vera limur dagin fyri regluliga ársaðalfundin í Ognarfelag Tryggingartakaranna.

Av umsitingarligum orsøkum er tað somuleiðis ein treyt fyri útgjaldi, at limirnir í seinasta lagi tann 30. novembur í tí roknskaparárinum, har Umboðsráðið á aðalfundi hevur tikið avgerð um at útgjalda limakrónur hevur latið felagnum p-tal ella v-tal, umframt kontonummarið, har útgjaldið skal flytast.

Tíni tryggingargjøld skulu vera á einum ávísum støði, fyri at limakrónurnar, ið tú hevur rætt til, eru hægri enn lágmarkið fyri útgjald. Markið er kr. 200,00 (áðrenn skatt).

Eru tínar limakrónur undir 200 krónur (áðrenn skatt) verður einki útgoldið. Orsøkin til hetta er, at umsitingarútreiðslurnar av at gjalda limakrónur út í slíkum førum, eru lutfalsliga stórar og harumframt er upphæddin skattskyldug.