Bráðsjúkutrygging

Tryggingin fevnir um nógvar ymiskar sjúkur. Til dømis:

Parkinson, Alzheimers, DS Sclerose, Deyvleika á báðum oyrum og ymisk sløg av krabbameini - fyri at nevna nakrar av sjúkunum, sum tryggingin fevnir um. Hvørjar sjúkur Bráðsjúkutryggingin fevnir um, sæst í Treytir Bráðsjúkutrygging niðanfyri. Tú ert eisini vælkomin at ringja til Betri Pensjón á  348 700.

Er talan um børn, er listin øðrvísi av tí orsøk, at færri sjúkur raka børn. Tryggingin fevnir tá til dømis um: 

Ávísar krabbasjúkur, blindni, deyvleika, ólekjandi óvirkin nýru, munandi bruna- ella frostskaðar og ávísan hjartafeil, ið krevur skurðviðgerð.

Hvørjar sjúkur Bráðsjúkutryggingin børn fevnir um, sæst í Treytir Bráðsjúkutrygging niðanfyri. Tú ert eisini vælkomin at ringja til Betri Pensjón á  348 700.

Hevur tú Bráðsjúkutrygging og verður álvarsliga sjúk/ur, skalt tú seta teg í samband við okkum, og vita, um tryggingin fevnir um tað, sum tú ert rakt/ur av. 

Er tað fevnt av tryggingini, skalt tú fylla eitt ávíst oyðublað út, har tú søkir um at fáa útgjaldið fyri bráðsjúku. Vit seta okkum so í samband við viðkomandi læknar e.l., so tú skjótt og ómakaleyst kanst fáa eitt munandi útgjald, sum tú kanst nýta, júst sum tú heldur vera skilabest. 

Ja, um tíni børn verða rakt av álvarsligari sjúku, sum tryggingin fevnir um, eru tey eisini umfatað av tíni Bráðsjúkutrygging. Útgjaldið er 60% av tíni tryggingarupphædd. Umfatað eru tíni børn upp til 18 ára aldur. 

Tá tú teknar eina Bráðsjúkutrygging, skalt tú útfylla eina heilsuváttan, sama um tú hevur kroniska sjúku ella ikki. Síðani verður mett um tína heilsustøðu, og møguleikan fyri at tekna tryggingina. 

Ja, heilsuváttan krevst til flest allar tryggingar hjá Betri Pensjón. Set teg í samband við Betri Pensjón á 348 700. Vit vegleiða og hjálpa tær fegin, so tú fært røttu heilsuváttanina at fylla út.

Nei, tú fært altíð fulla tryggingarupphædd útgoldna, um tú fært eina sjúku, sum tryggingin fevnir um.