Netbankin
Alsamt fleiri tænastur til okkum borgarar eru nú á netinum. Eisini hjá bankanum. Her á síðuni kanst tú lesa um fyrimunirnar við at brúka Netbankan. Ert tú í iva um, hvussu tú ber teg at við at fáa Netbankan, eru vit til reiðar at hjálpa.
Hevur tú skund?
Hevur tú tað allar best, tá tú ikki skalt standa í bíðirøð, bíða í telefonini ella yvirhøvur bara bíða, til latið verður upp? So er Netbankin heilt vist nakað fyri teg.
Við Netbankanum skalt tú ikki bíða eftir nøkrum. Tú hevur altið atgongd til tínar kontur umvegis teldu, teldil ella fartelefon og kanst gjalda rokningar, gera flytingar, handla virðisbrøv, sperra gjaldskort v.m., tá tú vilt. Netbanka appin er ment og tillagað til ávíkavist iOS, Android og Windows.
Í Netbankanum ber millum annað til at:
- síggja kontuyvirlit
- síggja tína pinkotu
- undirskriva skjøl talgilt
- fáa boð, tá tú fært løn o.a.
- síggja yvirlit yvir samlaða restskuld á láni
- síggja framtíðar gjaldingar
- gera flytingar her heima, millum tínar kontur og flytingar uttanlands
- gera virðisbrævahandlar og fylgja við tínum íløgum
- gjalda rokningar
- gera fíggjarætlan
Sí annars kostnaðir fyri at gera flytingar o.a. í Netbankanum her.
Vegleiðingar til Netbankan
Tørvar tær hjálp til at brúka Netbankan? Vit hava gjørt nakrar vegleiðingar til tær mest vanligu funkurnar í Netbankanum
Latið okkum hoyrast
Okkara endmál er at veita tær ráðgeving, sum hjálpir tær at hava eina haldgóða fíggjarstøðu. Tín ráðgevi er til reiðar, uttan mun til um talan er um lán til bústað ella hjálp til, hvussu tú kanst fáa pengarnar at røkka.