Øll kunnu stovna sær eina Nýtslukontu. Gjaldskort kunnu knýtast at kontuni, og tú kanst umsita og kalla kontuna tað, tú vilt, í Netbankanum. 

Harafturat ber til at knýta ymsar sjálvtænastur at kontuni, sum geva tær lættari atgongd til eitt nú at:

• gera flytingar
• síggja saldu
• síggja kontuavrit o.a.

Nýtslukontan hevur broytiliga rentu.

Halt skil á pengunum 

Hvat skal við í tína fíggjarætlan? Og hvørjar eru føstu útreiðslurnar? Ger tína egnu fíggjarætlan eftir okkara leisti, so hevur tú altíð yvirlit yvir samlaðu fíggjarstøðuna.

Ger eina fíggjarætlan

Um tú ynskir at fáa yvirlit yvir tína fíggarstøðu og halda betri skil á føstum útreiðslum, eigur tú at stovna tær eina Heildarkontu afturat Nýtslukontuni. 

Tá flytur tú eina fasta upphædd inn á Heildarkontuna hvønn mánað og rindar tínar føstu rokningar haðani. Hvussu stór fasta upphæddin er, verður roknað út frá, hvussu nógvan pening tú skalt gjalda um árið. Hóast útreiðslurnar kunnu vera ógvuliga ymiskar frá mánað til mánað, rindar tú eitt fast gjald hvønn mánað, soleiðis at útreiðslurnar verða javnaðar yvir alt árið.

Tú kanst velja, um tú umsitur kontuna, ella um vit skulu umsita hana fyri teg. Umsita vit hana, tryggja vit tær út frá heildarkontusáttmálanum, at kontan við fasta gjaldinum ikki er í troti við ársenda ella í endanum á tíðarskeiðnum.

Velur tú hinvegin einføldu Heildarkontuna, hevur tú ábyrgdina av at umsita kontuna og syrgja fyri, at nóg mikið altíð er á kontuni til at dekka tínar føstu útreiðslur. Kontan má ikki vera í troti, hevur broytiliga rentu og er ókeypis at stovna.

Rokna Heildarkontu

Tak niður Heildarkontu reglur

Innlánskontan, er ein konta, sum tú kanst nýta til eitt og hvørt.

Gjaldskort kunnu knýtast at kontuni, og tú kanst umsita og kalla kontuna tað, tú vilt, á netbankanum. 

Harafturat ber til at knýta ymsar gjaldsavtalur at kontuni.

Bassakontan er til børn í aldrinum 0 til og við 18 ár. Tá barnið fyllir 18 ár, heldur kontan fram sum ein Uppsparingarkonta við 3 mðr. uppsøgn.

Við Bassakontuni kunnu børnini, foreldur og familja spara upp til framtíðina hjá barninum.

Sí rentuna á Bassakontu her.

Tá Bassakontan verður stovnað

Minst til at hava við:

• persónstalskortið
• dóps- ella navnaseðil hjá barninum
• samleikaprógv - pass ella koyrikort hjá foreldrunum/kontustovnaranum.

Bert foreldur ella verjar kunnu stovna barninum eina Bassakontu. Kontan er ókeypis at stovna og fær barnið eina fitta gávu frá Bassa og 500 krónur á kontuna.

Kontan er bundin, til barnið er fylt 18 ár.

Stovna Bassakontu

Bústaðarkontan er til tín, sum ynskir at spara upp til tín fyrsta bústað við hægri rentu. 

Í Betri Banka ynskja vit at stuðla øllum, sum spara upp til fyrsta bústaðin. Tí fært tú 1.000 krónur í gávu á kontuna, tá tú stovnar eina Bústaðarkontu. 

Peningurin á Bústaðarkontuni kann brúkast til:

• Eginpening í samband við bústaðarfígging
• Keyp av íbúð, grundstykki ella sethúsum
• Sethúsabygging

Kontan er ikki tíðarbundin. 

Rentan á Bústaðarkontuni er broytilig og býtt upp í grundrentu og eykarentu. Grundrenta verður latin av fullari upphædd á Bústaðarkontuni, meðan eykarentan verður latin fyri 1.000.000 kr. Peningurin kann gjaldast út av kontuni uttan kostnað, tá tú brúkar peningin til egnan bústað. Verður peningurin brúktur til annað endamál, falla eykarentan og peningagávan aftur til bankan.

Sí rentuna á Bústaðarkontu her. 

Stovna Bústaðarkontu

Uppsparingarkontan er til tín, sum vilt hava hægri rentu á peningin, sum ikki skal brúkast her og nú, men sum tú tó ikki vilt binda í alt ov langa tíð. 

Sí rentuna fyri Uppsparingarkontu her.

Kontan hevur antin 3 ella 12 mánaðar uppsagnartíð, sum merkir, at tú skalt siga frá 3 ella 12 mánaðir áðrenn, tú ætlar at taka pening út.

Jú longri uppsagnartíðin er, tess hægri er rentan. Tekur tú peningin út, áðrenn uppsagnarfreistin er farin, rindar tú dekort, sum verður ásett sum ein prosentpartur av upphæddini, sum tú tekur út. Dekort er kostnaðurin fyri útgjald av bundnari uppsparingskontu í úrtíð.

Sí kostnaðin fyri dekort her

Uppsparingarkontan er ókeypis at stovna og hevur broytiliga rentu.

Stovna Uppsparingarkontu

Í Føroyum er tað eitt lógarkrav at hava eina eftirlønarkontu. Tín pensjónsuppsparing skal tryggja, at tú hevur nóg mikið at liva av, tá tú fert frá vegna aldur. 

Tá tú stovnar tína eftirlønarkontu, kanst tú velja at lata peningin standa á kontu í Betri Banka ella støðla uppsparingina í virðisbrøv.

Íløgurnar verða tillagaðar tínum váðaprofili og eru undir regluligum eftirliti.

Hvussu nógv tú vilt spara upp til pensjón, hvør váðaprofilur hóskar best til tín o.a., kunnu vit finna útav saman.

Sí rentuna fyri Eftirlønarkontu her.

Les meira um eftirløn