Verkfrøðinga- og Arkitektaábyrgdartrygging

Ert tú verkfrøðingur ella arkitektur, kanst tú vera orsøk til, at onnur fáa fíggjarmiss. Við tað, at tín ábyrgd er persónlig og óavmarkað, kann hetta hava við sær, at tú fært stór endurgjaldskrøv.

Skuldi tað hent, er umráðandi at hava røttu ábyrgdartryggingina, sum kann tryggja teg móti endurgjaldsábyrgdini, umframt verja teg móti ógrundaðum endurgjaldskrøvum.

“Ábyrgdartrygging fyri verkfrøðingar og arkitektar” tryggjar teg og tíni starvsfólk móti júst slíkum krøvum.

Tryggingin er ætlað verkfrøðingum, arkitektum, byggifrøðingum og líknandi størvum.

Um ivamál eru um tryggingina, er tað altíð tryggingarskjalið, sum er galdandi.