Hevur tú eina innbústrygging hjá Betri Trygging, kanst tú eisini tekna tær eina ársferðatrygging. Hon kann antin bara tryggja teg ella víðkast til at fevna um øll hini í húskinum, um tú ynskir tað. 

Ferðatryggingin veitir endurgjald, um viðførið er seinkað ella verður burtur, um tú gerst sjúk/ur á ferðini og mást hava læknahjálp, um tú noyðist heim, tí okkurt álvarsamt hendir heima, um tú ert fyri stuldri á ferðini o.s.fr.

Til ber eisini at tekna eina avlýsingartrygging. Hon veitir endurgjald, um tú av ávísum ávum ikki sleppur avstað. Til dømis um tú ella ferðafelagin verða sjúk undan fráferð, um endamálið við ferðini – til dømis ein konsert – verður avlýst ella um myndugleikarnir brádliga frámæla ferðum til landið, ið tit ætla tykkum til.

Um ivamál eru um tryggingina, er tað altíð tryggingarskjalið, sum er galdandi.

Ferðatryggingin kann lagast til tín tørv og títt ferðamynstur. 

Vel ta ferðatrygging, sum hóskar best til tín

Niðanfyri er yvirlit yvir okkara ferðatryggingar. Harafturat kanst tú velja, um alt húskið skal vera fevnt at tryggingini – ella ein einstaklingur. 

Tak niður

Vit mæla til, at tú lesur okkara treytir og upplýsingartilfar annars.